Мэдээ

15 дах жилдээ зохион байгуулагдаж буй Улаанбаатар лиг-2025 Сонгинохайрхан дүүргийн ерөнхий боловсролын сургуулийн сурагчдын волейболын аварга шалгаруулах тэмцээн 2025 оны 03 дугаар сарын 15-16-ний өдрүүдэд Дэлхийн нойрны эсрэг өдрийн хүрээнд Монгол Натур Мед Уламжлалт Сэргээн Засах Төв, Монголын нойргүйдлийн нийгэмлэг, Натур Бакс клуб, Сошилпэйетэй хамтран амжилттай зохион байгууллаа. 15 дах жилдээ зохион байгуулагдаж буй Улаанбаатар лигийн нээлтийн үйл ажиллагаанд Монгол Улсын Их Хурлын Гишүүн Н.Алтаншагай, Биеийн тамир, спортын хорооны дарга Ц.Сосорбарам, Монгол Натур Мед Уламжлалт Сэргээн Засах Төвийн гүйцэтгэх захирал Т.Гүндалай, Монголын нойргүйдлийн нийгэмлэгийн захирал, Монгол Натур Мед Уламжлалт Сэргээн Засах Төвийн эмчилгээ эрхэлсэн захирал анагаахын шинжлэх ухааны Д.Шүрэн, Монголын нойр судлалын нийгэмлэгийн удирдах зөвлөлийн гишүүн П.Соёлмаа, Голомт банк, дижитал банкны газрын сошилпэйе албаны захирал А.Гантулга, Натур бакс клубийн захирал Б.Болор, Натур бакс клуб тус тус оролцлоо. Энэ удаагийн тэмцээнд дунд болон ахлах насны ангилалд Сонгинохайрхан дүүргийн 28 сургуулийн 112 баг, 1344 сурагчид хамрагдлаа. Энэ жилийн Улаанбаатар лигийн тэмцээнд зориулж урласан цөөн тоогоор үйлдвэрлэгдсэн өмсгөл, мөн мөнгөн шагнал, малгай, оймс, натур баксийн зурагт хуудас зэрэг зүйлсийг Монгол Натур Мед Уламжлалт Сэргээн Засах Төв ивээн тэтгэсэн бол шилдэг сургууль, шилдэг тамирчдын шагналыг Сошилпэйе ивээн тэтгэлээ.

Дунд насны шагналт байранд шалгарсан багууд:

Эрэгтэй дунд насны ангилалд:

I байр А.Цэцэгсүрэн захиралтай Б.Буянт дасгалжуулагчтай 122 дугаар сургууль

II байр Б.Нарангэрэл эрхлэгчтэй M.Нянраг дасгалжуулагчтай 9 дүгээр сургууль

III байр Х.Мөнхцоож захиралтай н.Пүрэвдорж дасгалжуулагчтай 123 дугаар сургууль

Эрэгтэй шилдэг тоглогчоор 122 дугаар сургуулийн н.Жавхлантөгс тодорч сошилпэйеийн гарын бэлгийн эзэн боллоо.

Эмэгтэй дунд насны ангилалд:

I байр М.Туулсайхан захиралтай Н.Уртнасан дасгалжуулагчтай 12 дугаар сургууль

II байр А.Цэцэгсүрэн захиралтай Б.Буянт дасгалжуулагчтай 122 дугаар сургууль

III байр Н.Амаржаргал захиралтай н.Золбоот дасгалжуулагчтай 154 дүгээр сургууль

Эмэгтэй шилдэг тоглогчоор 154 дүгээр сургуулийн П.Ариун-Эрдэнэ тодорч сошилпэйеийн гарын бэлгийн эзэн боллоо.

Ахлах насны шагналт байранд шалгарсан багууд

Ахлах насны эрэгтэй ангилалд:

I байр С.Энх-Ариун захиралтай Д.Мөнхбат дасгалжуулагчтай Хөгжил цогцолбор сургууль

II байр А.Цэцэгсүрэн захиралтай Б.Буянт дасгалжуулагчтай 122 дугаар сургууль

III байр Д.Наранмөнх захиралтай Т.Отгонтөгс дасгалжуулагчтай 153 дугаар сургууль

Эрэгтэй шилдэг тоглогчоор 153 дугаар сургуулийн Т.Баянжаргал тодорч сошилпэйеийн гарын бэлгийн эзэн боллоо.

Ахлах насны эмэгтэй ангилалд:

I байр М.Туулсайхан захиралтай Н.Уртнасан дасгалжуулагчтай 12 дугаар сургууль

II байр С.Энх-Ариун захиралтай С.Дэжид дасгалжуулагчтай Хөгжил цогцолбор сургууль

III байр Н.Амаржаргал захиралтай н.Олонбаяр дасгалжуулагчтай 154 дүгээр сургууль

Эмэгтэй шилдэг тоглогчоор 154 дүгээр сургуулийн Д.Лхамаа тодорч сошилпэйеийн гарын бэлгийн эзэн боллоо. Цаашид Нийслэлийн аварга шалгаруулах тэмцээнд нь энэ удаагийн тэмцээнээс олж авсан туршлага, сургамжаа дараагийн шатанд улам сайжруулж, спортын өндөр амжилт үзүүлэхийг хүсье. Энэ удаагийн тэмцээнд оролцсон тамирчид, дасгалжуулагч нартаа баярлалаа. Ивээн тэтгэгч нартаа баярлалаа.